पुनर्वसन प्राधिकरण (SRA) प्रकल्प
मुलुंड पश्चिम येथील छत्रपती वीर संभाजी नगर येथील झोपडपट्टी पुनर्वसन प्राधिकरण (SRA) प्रकल्प अनेक वर्षांपासून रखडलेला असून, अपूर्ण अवस्थेत असलेल्या इमारतीमुळे नागरिकांना विविध समस्यांचा सामना करावा लागत आहे.
नागरिकांच्या तक्रारींची दखल घेत स्थानिक नगरसेविका सौ. दिपिका संदेश घाग, मुलुंड पोलीस स्टेशनचे अधिकारी, महानगरपालिका अधिकारी आणि SRA अधिकाऱ्यांसमवेत प्रत्यक्ष संयुक्त पाहणी करण्यात आली.
या पाहणीदरम्यान परिसरात अनधिकृत लेबर कॅम्प आढळून आला. तेथे वास्तव्यास असलेल्या व्यक्तींपैकी ५०% हून अधिक संशयित व्यक्ती बांगलादेशी असल्याचे निदर्शनास आले असून, त्यांच्या ठिकाणी अमली पदार्थ तसेच १००० पेक्षा अधिक दारूच्या रिकाम्या बाटल्या आढळून आल्या. तसेच या व्यक्ती स्थानिक महिलांसाठी असलेल्या स्वच्छतागृहाचा वापर करत असल्याचेही निदर्शनास आले असून, याबाबत प्रशासनाने गंभीर दखल घेणे आवश्यक आहे.
याबाबत संबंधित यंत्रणांनी सखोल चौकशी करून सत्यता तपासून तातडीने कार्यवाही करावी, असे निर्देश संबंधित अधिकाऱ्यांना देण्यात आले.
या अनधिकृत कॅम्पच्या व्यवस्थापन, अनधिकृत वीज जोडणी व इतर सुविधांबाबतही तपास करून जबाबदार व्यक्तींवर कठोर कारवाई करण्यात यावी, असे निर्देश देण्यात आले.
